Huduma za Elimu

IDARA YA ELIMU SEKONDARI

Idara ya elimu sekondari ni miongoni mwa idara zinazounda Halmashauri ya Wilaya ya Tarime. Idara inasimamia jumla ya shule za sekondari 44 ambapo kati ya hizo shule 41 ni za serikali na shule 3 ni zisizo za serikali. Shule za sekondari za serikali zina jumla ya wanafunzi 59,781 ikiwa wavulana ni 28,930 na wasichana ni 30,851. Shule binafsi zina jumla ya wanafunzi 6,270 ikiwa wavulana ni 3,297 na wasichana ni 2973. (Takwimu za elimumsingi, Machi 2023).

Idara ina vitengo viwili ambavyo ni Kitengo cha Taaluma na Kitengo cha Vifaa na Takwimu.

HUDUMA ZITOLEWAZO KATIKA IDARA YA ELIMU SEKONDARI

• Kutoa ushauri wa kitaalam kuhusu utoaji na upatikanaji wa elimu ya sekondari
• Kusimamia miongozo na taratibu kama zilivyoainishwa katika sera ya Elimu ya mwaka 2014
• Kusimamia na kuendesha mitihani ya kitaifa na mingine inayotambulika kwa mujibu wa sheria
• Kutatua changamoto za kielimu kwa wazazi, wamiliki wa shule na wadau wengine wa elimu
• Kusimamia na kuhakikisha upatikanaji wa maslahi ya waimu
• Kuthibitisha maombi ya uhamisho na maombi ya kukariri darasa kwa wanafunzi wa elimu za sekondari

MIFUMO MBALIMBALI INAYOTUMIKA

Kama kuboresha huduma kwa wananchi na kurahisha utendaji kazi serikali imejikita katika matumizi ya teknolojia ya TEHAMA kwa kubuni mifumo mbali mbali ya kielektroniki ambayo inatumika katika sekta mbalimbali. Idara ya elimu sekondari inatumia mifumo ifuatayo

• PREMS –huu ni mfumo unaotumika kuhamisha wanafunzi kutoka shule moja kwenda shule nyingine, kutunza kumbukumbu za wanafunzi na kukaririsha darasa endapo mwanafunzi hakuhudhuria masomo kikamilifu kwa muda mrefu kwa sababu zinazotambulika.
• MADENIMISS- huu ni mfumo unaotumika na watumishi kutuma madeni yao mbalimbali wanayodai kama vile fedha za nauli za likizo, usimamizi wa mitihani, nk. Mfumo huu vilevile huhifadhi kumbukumbu za madeni hayo
• SELFORM- Mfumo huu unatumika kuingiza machaguo ya wanafunzi wanaomaliza kidato cha nne kwa ajili ya A level na vyuo.
• BEMIS- Huu ni mfumo unaotumika kukusanya, kuhifadhi na kuchakata takwimu za elimu msingi kwa shule zote.
• SIS- Huu ni mfumo unaotumika kuhifadhi kumbukumbu za walimu na wanafunzi na kunakili mahudhurio ya walimu na wanafunzi.
• FFARS- Mfumo unaotumika kufanya malipo katika vituo vya kutolea huduma (shule)
• PLANREP- mfumo wa mpango wa mapato na matumizi pamoja na taarifa za kibajeti
• UTEKELEZAJI WA MIRADI YA MAENDELEO KWA MWAKA WA FEDHA 2020/21
• UTEKELEZAJI WA MIRADI YA MAENDELEO MWAKA WA FEDHA 2020/2021
• IDARA YA ELIMU SEKONDARI
• MRADI ILIYOKAMILIKA KWA MAPATO YA NDANI (OWN SOURCE)